موسوعة ابو ذيات لكل الشعراء

بســـــــ//ــــم الله الرحمـــ//ـــــــن الرحيــــ//ـــم

بت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
اخذ كلبي اذا ذابت دلالك
من نار العشك يسلم دلالك
احب اسمك لحن همسك..دلالك
و احبك حتى من تقسى عليه
نوري الفريجي
مثل ديني ثبت حبك ورع باي
وصعبه لوردت تفرغ وره اعباي
رجفت وخوفي من يمك ورعباي
واموتن لو تفكر اتخون بيه
هذه الابوذيه الى الشاعر نوري سعيد الفريجي

افراكك لاتظن بس مر فريجاي
حنظل ياللقب اسمك فريجاي
اذا رجوه رجيت انه فريجاي
تعود انته بسلامه وهاي هيه
همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه

دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
.......................
ابيع احزان تالي الليل منراد
وسؤالي الي طرحتة اليوم منراد
ليش الطيب وية الناس منراد
لان مايمتلك ذرة اذية
......................
تناديني واكللك هسة اجاني
كبل للحزن راغب هسة جاني
جنت محتاجة مامر هسة اجاني
من طاح بعسر مد ايدة الية
......................




الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
حسين النشا وي طه وتربه
عين المحب شبحتله وتربه
اله كبه مذهبه او مرقد وتربه
بيهه الشفه من رب البريه
هتك روحي جفاهم وج اهلهه
عله الناكر تعبه والجهلهه
تهم باطل حبيبي وجهلهه
وهيه من التهم كله بريه
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه




زماني اشكَد صلف كَلـّي وما اجراك

تعذّبني!تحصّل كم وما اجراك

يكَلبي لكَطع عروكَك ومجراك

اذا ابّالك تمل من الاذيه
اخوكم نوري سعيد شبرم

صب خدك حلو ناعم شيمسحجن
حبر مانزلن دموعي شيمسحجن
الكلب لوراد يلمس شيمسحجن
اذا مسيت ينكص جف اديه

شيمسحجن (شي مسح جنه)
شيمسحجن (شيمسحه)
شيمسحجن (شيمس احجن)
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه

من نبينة
اخذ درسك ..تعلم .. من نبينة
وشارت سادة صارت منة بينة
تهنة بوصفة احنة .. من نبينة
لان شمس وكمر طبكن سوية
جروحي الماتدنك باركتلـك
ونهر خمرة عيوني باركتلك
ابخبر طعنة دليلي باركتلك
كبل لا شامت يهنيك بيه

لشاعر أيهاب المالكي

اتمنى مايكون منقول من شخص اخر
حبك صدك طوقـني بطاقـة
وحمرة أطيت دلالي بطاقة
الناس شسـوي بعد بطاقة
بس تضحك توج الناصريـة

معاني الجناسات
1- بطوق
2- الكارت الاحمر
3- الطاقة

لشاعـر من مدينة الناصريـة
حيــدر الحمدانــي
أبد بغداد ما سقطت هوانة"
ودمنة السحب نازفتة هوانة"
آنة مو آنة العراقي هوآنة"
الشلت مگوار والفالة عشية
تحياتي...
يشوگ وللغري وياك..ودنه
وإگرب يم ضريح الوصي..ودنه
لعلي ذاك بطـل صفين..ودنه
لارض وادي السلام بهل المسيه


يروحي وين ماتمشين..ورده
عطر قداح من يفوح ..ورده
المهدي من عطر لجنان..ورده
نزل عالارض نور ويشع ضيه
فشك بارود وكتي ثار منك
واريد ابحيل اخذ ثار منك
مصايب وكتي كله ثار منك
تحشم بل الوكت وانته عليه


خادمكم نوري سعيد الفريجي

شما اكتب يظل اسمك على املاي
وقضيه انت اصبحت ليه وعلم لاي
منارة انت بوسط كلبي وعلم لاي
تظل عالي وترفرف بس عليه
اخوكم نوري سعيد شبرم الفريجي


ضعت والروح سالت من انا من
يعمي شبيك امن مني امن
تدري شوكت افرح من انامن
لان بس بالحلم تتراوه ليه
شكثر نكبات أليـة الدهر ياجيب
كل هذا واكـول ألصبـر ياجيب
أكيف تلغـي أمن الثـوب يا جيب
حـتى ألآخـو ماينكـر أخيـة

معاني الجناسات
1- جاب الي
2- واجب
3- الجيب

لشـاعر حيـدر ألحمداني
من الناصريـة
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية


أبد بغداد ما سقطت بلهوانة"
ودمنة السحب نازفتة بل هوانة"
آنة مو آنة العراقي بل هوآنة"
الشلت مگوار والفالة عشية

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه


كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه


متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه
ابوذية الشاعر المبدع ميثاق الهلالي

حلة الجوري اعلة مودك منتحلة
وكبر وياك واينع منتة حلة
شتظن زيجك اركز من تحلة
اغوش والثنين تصير مية

اريد بليل اجيك وغفل بسكوت@
يالشفتك عسل والطعم بسكوت@
لون انسه جميع المدن بسكوت@
لان مزروعه روحي بشواطيه

أ لشـاعر أيهـاب ألمـالكي

بشرع من ؟ فاجعتكم حللوهة
برمـح عمة محمد حللـوهــة
بكـايـا أثأر دمكم حللوهة
لكــو بيهة ألنبي كاتب وصيـة

ولشـاعر عمـاد النـاصـري

عطاشـة خيل ودهم لاتردهة
وناس الماتريدك لاتردهة
وصط شمات ايدي لا تردهة
وذا يجفون كص اثنين ادية


شفتك ما شفت زخك ورعداك
وخلص حيله الكلب يركض ورعداك
اطيح ولاتظن امشي ورعداك
شماته نصير للوادم سويه
اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية
زنجيل ابوذيه :: حب من اول نظرة
------------------------

السلام عليكم

ارجو ان يعجبكم هذا للزنجيل
-------------------

گلبي بنضرة منچ هام عذري
و عشگ عشگچ عشگ عشاگ عذري
ماگولن احبچ هذا عذري

و اجي بكل يوم يم دارج و امرهه
و عشگت الحلو بعشرتنه و مرهه
خطية الروح حيرانه و امره

صفه بأيدچ دشوفي شلون حالي
علية الضيم بس لايگ و حالي
القهر ماضي البشر كلهه و حالي

فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر

انفذ كل طلب منچ باشاره
يهالوجهچ سمح كله بشاره
اجيتي من السما انتي بشاره

و جبتيلي الفرح كلة و خيره
بغيابچ روحي مغلوبه و اخيره
سحر سويت انا لاجلچ و خيرة

تشوف شينفع بحبچ وسيلة
و يفيد اهمل دمع عيني و اسيلة
اناشد هالگلب صدگي و اسيله


غيرچ بيه احد منتسبله ؟
و يحب روحچ تمدحه و من تسبله
سألني الگلب تدري من تسبلة

شعرهه شلون چنه بليل حالك
و اريد انشد عن اخبارك و حالك
دگلي بحبهه انت احد وحالك

لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره

و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه

عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي

فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك

و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه

عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه

لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك

فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي

بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي

يأما ان تتركه و ان تحله
و يأما ان تشده و ان تحله
طفل عريان گلبي و انت حله

تعال ارجوك وك استر عورته
و تذكر شون بغيابك عورته
ولك عينين چانتله و عورته


لمن رحت و تركته و صار عامي
و الك مخصوص چان و صار عامي
وك مو عام واحد صار عامي

صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه

شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي

حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله

و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه

و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته

و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم

و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه

من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا

اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك

و لكنك صرت لية هويه

.....................
للأمانه منقوله
تحياتي : مصطفى سامي الحديثي
رد عله الشاعر نوري الفريجي بابوذيه للمرحوم الشاعر العملاق رحيم المالكي
سليت الناس لاجن من يسلني
سليت الناس لاجن من يسلني
سليت الناس لاجن من يسلني
سليت الناس من يسال عليه


أبتليت وشال كلبي بابلية
ومنـك خذت بابـل بابليـة
بعد للبيت ماحـط باب لية
شتلعتهة بدكتك يعطلك علية
بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحگني بالشفا گبـــل المنيه

واحب اهديلكم هذا المساجلة لشعراء ((الرفاعي)) بين الشاعر ماجد العتابي والشاعر د.عدنان الركابي

د.عدنان الركابي
انه العبره ومعانيها والحروف
وانا الآهات والونه (والاحرى اوف)
يروف امسودن ابجرحي (والح روف)
وهو مسودن يغمج الجرح بيه

***************

ماجد العتابي
انا الخوره وعواليها واليروف
طحت ما شفت من يرحم واليروف
آنه الجرح يا عالم واليروف
مسودن والمخايط تشكّ بيه

****************

د.عدنان الركابي
افر داسين وي وكتي (وكر داس)
وعليه اهموم كردستها وكرداس)
صرت مثل الذي بجدمه وكر داس)
عجارب والحيايه اتحيط بيه

****************

ماجد العتابي
اكر داسين وي وكتي (وفر دوس)
يدوس بجدمه وانه اصرخ (وفر دوس)
جهنم صارلي الصاحب وفردوس
صرتله وحور عين وآخريه

****************

د.عدنان الركابي
يعتابي الح وصفت عتّاب
على الصاحب يماجد يبن عتاب
زليخه النايبات اتحوم(ع التاب)
ودليله وحيله قدتهن سويه

****************

ماجد العتابي
عالي وابد ماينصه ركابي
لجن وسفه الوكت صاير(ركه بيه)
زليخه اتكّول للنيبه ركابي؟
وانه مريم شماته اتحيط بيه

****************

د.عدنان الركابي
من الزلات روحي (عاصم الهه)
وحبيسه اباب طيري (عاصي املهه)
المصايب دوله وانه (عاصمه الهه)
وسفيري الظيم والهم قنصليه

****************
لما وكتي وقاني الزلل وقليم
وصرت للنايبات الورق وقليم
اذا عندك مصايب دول وقليم
وتكّول العاصمه؟ بس اني هيه

تحياتي لكم جميعاً

انوثة جيل حاملهه خــــصرهه
وجموع الحسن بس يمهه خصرهـه
العسل ما فاز من عدهه خصرهه
لان ما داس شفتيهه خطيـــــة

دارك علي صارت دار امية
وانا الضامل برملك دار مية
الكلب كاتبلك اسمع دارمية
((تجفي وكلت معذور صعبة ظروفة ** دكت رجلهة الروح هسة ارد اشوفة))

تحياتي للجميع
العليه غير اهلها من علاها
وروحي خسه الكلك من علاها
بعزم الله نخلتي من علاها
يراموها بحجر واظل سخيه
سمعت الناس ألك صاحو ولف ياي
وحرت علسجة ألف رايح ولف ياي
اريد أتمـدد بطــولك ولفياي
أعلة طولة ومن يميل يميل بيــة

**** **** **** **** ****

أشـد أجروح داية ولهي دايــة
وترة أمن ألله البصيرة ولهداية
أنتصالح ردنـا ننسى ولهداية
جصص شبانة الطاحو ضحيـة




هذا أبداع للشاعر الشاب المرحوم ::::
بـارق ألعاشقي


تصرنة تريد بيدك - يابه صرنة
يا نفس النشمة - يا بصرنة
شتريد نصير يمك - يابه صرنة
تدنة وخلي نحسمهه القضية

عشرتك سودة لكن - ما طلتني
ولو بجفوف غيرك - ماطلتني
اجفوفك جي كصيرة - ماطلتني
كصير انته وكلت حامض عليه

اعيوني لشوفتك ركضن - وجداً
واريدك مو لعب فعلاً - وجدا
وانه اهواك عن ابا - وجدا
واحبك من عصور الجاهليه


تحياتي

وحك المرضك يسمر وشافاك
انصرع كلمن لمح طولك وشافك
انا من اشم عطر زلفك وشوفك
مناعة من الامراض يصير بيه
شحجيلك أبحر تموز يـل بـ أب
وأنة أمفصل بخام العوز يلباب
وراك أتلبد أخوي شلون يل باب
أفــة ما دممعت عينك عليــة

**** **** **** **** ****

خسر كلمن رضى أوقـع بجتلاي
أنصبت وعيون عدواني بجت لاي
طحت وسيـوف خواني بجـت لاي
وردت زنجارهـن يفـزع عليــة


أيهــاب ألمالـكي
السائل سأل شنهو الصار وجره
و ليش أمست مهجنه ابنار وجره
گلت كاظم الغيظ انفقد وجره
مدامعنه و فجعنه ابها الزريه

**

بإسم باب الحوائج حين سموك
ابوسام الشرف أهل الشرف سموك
وسف قوم اغدر بالسجن سموك
و بقه فوق الجسر نعشك رميه

يطارش هاك مكتوبي وسر بيه
حنين الكلب بسطوره وسر بيه
اخبره شوكت نتلاكه وسر بيه
وعلى كل بيت اطشن واهليه


اللة هم احفظ العراقين
للشاعر نوري سعيد شبرم الفريجي

انه المااجن بيه اجن بيك
وانه المااجن بيه اجن بيك
وانه المااجن بيه اجن بيك
لانك انته اني واجن بيه
للشاعر نوري سعيد شبرم الفريجي


عليه الوكت ياخايب يدوراك
تهت وكليبي ضل ينشد يدوراك
حميتك ايد كدامك ويد وراك
واخاف اعليك حتى انه من اديه
كلبـي ألحزن لفـة من سوا لف
وأذا ماوالفتـكم من سأوالف
عندي ألكم سوالف من سوالف
حلوة ومثل طلعتـكم عليـة

هذه الابو ذية لفتى عمره 13 سنة
ويدعى :: أحمد الشمري
وهو اخو الشاعر الحاج حامد الشمري
الروح إخلافك امتيها عملها


غريبة ولاتظن يشفع عم الها
عيوني الما تحب شوفك عما الها
والف عين لجل عينك هدية

اشحلو أمرك عله كَليبي ومنهاك

أخذ روحي اذا تطلب وما نهاك

اشعجب ماتسمع:اعطيني. ومن هاك:

تمد الأيد وشفافك سويـــــّه!!
الى الاخ الدكتور مع خالص التحيه


عيوني من جفاكم صدك طفين
يلجفوفك لعد اعداي طفين
اذا انته اذكرت بالكون طفين
انا كل يوم طف يصير بيه
سعـراي
جنابك مادرة بناري وسعراي
ولجلك رخصت سومي وسعري
عاشرلك عدو عاقل وسع راي
ولا جاهل صديق وبيه الاذيـة


لشـاعـر مبـدع بالابو ذيـة
لا يحضرني اسمـه
حظوظ الناس حلوة ماله حظنه
ومثل حسنك يغالي مالحظنه
كون بيوم شخصك مال احضنه
قسم سنتين ماهده أمن أديه

اهداء الى كارمين
هواكم ملخ كبودي نخلها
وساهمك لاتظن مجفي نخلها
غلاتك تسوة بعقوبة ونخلها
وصلاح الدين والحلة سوية
بحسابك بنات العقل طفين
جفيت وطوف همي زاد طفين
أما تعلم جرن بالكون طفين
طف بكربلة وطف صار بيـة

أجم حسرة أعلة شوفك حاسرتني
غبت وخيول هجرك حاسرتني
ألك عبرة شكبرهة حاسرتني
بكبر طركاعتي الطاحت علية

أبو ذيــتان لشاعر لقب بدكتور الابو ذيـة
وهو:: الشاعر رحيم الركابي من الناصريـة
ترف يالزارع الشمام ويواي
و اله مشعل بلب حشاي ويواي
زركته من الخدود وصاح ويوي
ابيت اهلي وتمد ايدك عليه

مع اجمل التحــــــــــــــــيات