العراق بين ألف ليله وليله.. جبار بخيت

--------------------------------------------------------------------------------

0Shareالعراق بين ألف ليلة وليله




شهرزاد الفجر بين .... ماغمض شو شهريار
وألف ليله وليله طلعت ... جذب شو بعده الحصار
والسوالف كلهه مره .... وألأمر الانتصار
خلصت القصه الأخيره ..... وشعبي يشكي من الدمار
ويا ألف ليله وليله
اشكد معاناتج طويله
شهرزاد اتقص قصصهه ... وشهريار ايخططلنه .. بيا حرب يلعب اقمار



كان يا ماكان نار ....
كان بلـــ .. لازال نار . ومن ظيم سكنه ورقيه . بشعبي لازال الحصار
وشهرزاد الدنيه صارت .. والعجيبهتريده يحكم شهريار
حتى تبقى تكله صار !!!
قصي صار .. احجي صار .. وشهريار بكل وقار ...
يرفع برمح آل اميه .. الراس وينزل الستار
واحنه مانملك قرار .. يلله لاعندي اعتذار .. اتششتتينه ابفتنه ونهار الجدار
والعجيبه الشيعه تدري ... الفاجعه وعمق المصيبه
اشجان مفهوم الظريبه .. ويا ظريبه ؟؟
اشلاء اطفال وكصيبه ... اتطشرن بالانفجار
ومن ألف ليله وليله .. قررت اكتب قصيده
حتى افضح بيهه افعال الجوار
وياجوار ؟؟؟؟
الجايني بنيه جديده .. ايدور اعله احسين بينه .. ولاغم بعبوة يزيده
وألألف ليله وليله .. بعد بيهن عذاب
راحو النه اخوان واباء وشباب
اليوم لا .. باجر حلم .. ردهب سراب
ومن ملابسهم عرفنه اعظامهم جوه التراب
جان ظالم شهريار حتى ضد شعبه يريد الانتصار
وأحتضـــــــــــــــار .....
مرة ساعات الفرح عدنه احتضار
ياشعب مثلك عراق العاش لحضاته احتضار
والنهـــــــــــــار ......
شأرد اكلك عاللنهار
النهار ابليل يتكحل عمر مابيه نهار
والأمان بلاجنح ... بس عدنه طار

وكمت اشوف الناس كلهه ابعيني موته
واللي ما ميت جنت انطيك موته
يشوف بعيونه الحقيقه وخافي صوته
ليش ؟؟؟
من شفت الوطن موذيب لا باعوه اخوته
ومن حقدهم لونو هدمه ابصفار !!
وراحن اعيون الوطن بس مو عليه
يدري بي عالمشرعه ويعوف اديه
الكبار اتهون .... شيصبر الزغار ؟؟
وفجأه هبت ريح وتعالى الغبار
وما صفت اوضاعنه وبعده الغبار
كلن نتأمل شخص بيده الفقار
وما اطولهه عليكم
شهرزاد ابنص وطنه
أتاني يرجع شهريار
حتى تحجي الشهريار
عن ألف ليله وليله
الحلت بشعب الدمار